வெங்காயம் (ஆடை களைதல்)...!
ஆடை களைந்தே அணங்கினைத் தொட்டக்கால்
கூடியே கண்ணீர் கொதித்தெழவே - நாடியே
உள்ளுறைவைத் தொட்ட உடனே உருகவைக்கும்
வெள்ளுருவப் பெண்ணே விடை!
அந்தரங்கப் பொருள்: பெண்ணின் ஆடையைக் களைந்து அவளது உடலைத் தொட்டவுடன், இன்பப் பெருக்கால் கண்கள் கலங்கி உருக வைப்பது...
உலகியல் பொருள்: வெண்மையான வெங்காயத்தின் மேல் தோலாகிய ஆடையை உரித்து, உள்ளே இருக்கும் சதைப்பற்றைத் தொட்டு நறுக்கும்போது கண்ணீர் வர வைப்பது...
சோளக்கதிர் (முத்தமிட்டுக் கடித்தல்)
முத்துப் பற்கள் துலங்க முத்தமிட்டே
கட்டி அணைத்துக் கசக்கியே - நெஞ்சார
அமுக்கிப் பிடிப்பாய் அவசரமாய் பெண்ணே
தித்திக்கும் ஈதிவண் காண்!
அந்தரங்கப் பொருள்: காதலியின் முத்துப்போன்ற பற்கள் தெரிய அவளை முத்தமிட்டு, நெஞ்சோடு கட்டி அணைத்துக் கசக்கி இன்புறுவது...
உலகியல் பொருள்: முத்து முத்தான சோளப் பற்களைக் கைகளால் கெட்டியாகப் பற்றி, வாயால் கடித்து (முத்தமிட்டு), அமுக்கிச் சாப்பிடுவது...
கொசு (இரவில் இரத்தம் உறிஞ்சுதல்)
துகிலுமிலா மையாகத் தூங்குமறை வந்தே
மகிழ்படுக்கை ஏறி மயங்கி - நெகிழுடம்பில்
முத்தமிட்டே செந்நீர் முழுதுண்ணும் நள்ளிருளில்
சிற்றிடைப் பெண்ணே தெளி!
அந்தரங்கப் பொருள்: ஆடையில்லாமல் இருட்டறையில் படுக்கைக்கு வந்து, உடலோடு ஒட்டி, முத்தமிட்டுத் தழுவிக் குருதி சூடேற இன்புறுவது...
உலகியல் பொருள்: ஆடை ஏதுமில்லாத கொசு, நள்ளிருளில் படுக்கைக்கு வந்து, உடம்பில் குத்தி (முத்தமிட்டு) செந்நீரை (இரத்தத்தை) உறிஞ்சுவது...
பூட்டும் சாவியும் (கதவு திறத்தல்)
இருண்ட துளையுள் இனிதாய் நுழைந்தே
நெருங்கி அமுக்கி நெளித்து - மருண்டே
ஆட்டவே உள்ளிருந்த அல்குல் கதவுதிறந்து
ஈட்டமே தந்திடுமே ஈது!
அந்தரங்கப் பொருள்: இருண்ட அந்தரங்கத் துளையுள் காதலோடு நுழைந்து, நெருங்கி அமுக்கி இயங்கி, பேரின்பக் கதவைத் திறப்பது...
உலகியல் பொருள்: பூட்டின் இருட்டுத் துளைக்குள் சாவியை நுழைத்து, கச்சிதமாக அமுக்கித் திருப்ப (நெளித்து ஆட்ட) கதவு திறப்பது...
புல்லாங்குழல் (மடியில் கிடத்திச் சுவைத்தல்)
மார்பில் தடவி மடிமீது கிடத்தியே
விரலால் வருடி வித்தைகள் - செய்தே
வாயில் வைத்துச் சுவைக்கவே வான்மதுரம் தந்திடுமே
தூயவளே என்னவென்று சொல்!
அந்தரங்கப் பொருள்: காதலியை மடியில் கிடத்தி, அவளது மார்பைத் தொட்டு விரல்களால் விளையாடி, இதழமுதை வாயில் வைத்துச் சுவைப்பது...
உலகியல் பொருள்: மூங்கிலின் மார்பு போன்ற துளைகளில் விரல்களை வைத்து வருடி இசை காட்டி, வாயில் வைத்து ஊதி (சுவைக்க) இன்ப ராகம் தருவது...
தீக்குச்சி (உரசி எரிதல்)
கங்குல் அறையில் கையாள் தடவியே
மங்கை உடம்பை மருவியே - அங்கம்
உரசியே நெஞ்சில் உறுத்தவே வெந்தே
மடிந்திடுமே ஈதென்ன காண்!
அந்தரங்கப் பொருள்: இருட்டறையில் (கங்குல்) பெண்ணின் உடம்பைத் தடவி, அவளோடு உரசித் தழுவி, மோகத் தீயில் வெந்து தணிவது...
உலகியல் பொருள்: இருட்டு அறையில் தீக்குச்சியின் உடம்பைத் தேடி எடுத்து, தீப்பெட்டியின் பக்கவாட்டில் உரசிப் பற்ற வைக்கும்போது அது வெந்து சாம்பலாவது...
ஆட்டுக்கல் (முன்னும் பின்னும் தள்ளுதல்)
கவ்விப் பிடித்துக் காலை யகற்றியே
முன்னும் பின்னுமாய் முடுகியே - தள்ளவே
ஓசை எழுப்பி உருகிக் குழம்பாகிச்
சாறொழுகும் பெண்ணே யறி!
அந்தரங்கப் பொருள்: கால்களை அகற்றி, இறுகப் பற்றி, முன்னும் பின்னுமாய் வேகமாய் இயங்கி, ஓசை எழுப்பி இன்ப நீர் சுரப்பது...
உலகியல் பொருள்: ஆட்டுக்கல்லின் குழியில் குழவியைப் போட்டு, முன்னும் பின்னும் தள்ளி அரைக்கும் போது எழும் ஓசையும், அரைபட்டு வரும் மாவுக்குழம்பும் (சாறும்)...
அடிக்குழாய் (நீர் எடுத்தல்)
கெட்டியாய்ப் பற்றித் துணையுடம்பின் மேலேறி
மட்டிலா வேகமாய் மாரமுக்க - அடியில்
வழிந்திடுமே ஆழத்து வான்நீர் பொங்கி
அழகியே ஈதென்ன காண்!
அந்தரங்கப் பொருள்: துணையின் உடம்பைப் பற்றி மேலேறி, மார்போடு அமுக்கி, வேகமாய் இயங்கும்போது பொங்கி வழியும் கலவி நீர்...
உலகியல் பொருள்: கைக்குழாயின் கைப்பிடியை உடல் எடையோடு பற்றி, நெஞ்சுக்கு நேரே வேகமாய் அடித்தால் கீழே ஆழத்து நீர் பொங்கி வழிவது.
ஊசியும் நூலும் (துளையுள் தள்ளுதல்)
மெல்லுடம்பை விரலால் பிசைந்தே மெலிதான
ஒல்கு துளையுள் ஓங்கித்தள்ள - அல்குல்
முன்னும் பின்னுமாய் முட்டி வெளிவருமே
கன்னியே ஈதென்ன காண்!
அந்தரங்கப் பொருள்: மென்மையான உடம்பை விரலால் தீண்டி, அவளது துவாரத்துள் ஓங்கிச் செலுத்தி, முன்னும் பின்னும் முட்டி விளையாடுவது...
உலகியல் பொருள்: நூலின் மெல்லிய முனையை விரலால் பிசைந்து, ஊசியின் சிறிய துளையுள் தள்ளி, துணியின் முன்னும் பின்னுமாய் முட்டித் தைப்பது...
மைப்பேனா (நெஞ்சில் குத்துதல்)
இதழால் சுவைத்தே இணைகையைப் பற்றியே
முன்னின்று நெஞ்சில் முனையால்குத்த - அங்கே
பொங்கி வழியுமே செந்நீரின் பேராறு
மங்கையே ஈதென்ன காண்!
அந்தரங்கப் பொருள்: இதழோடு இதழ் சுவைத்து, கைகளைப் பற்றி, நெஞ்சில் நகமுனையால் குத்திக் காயப்படுத்தும் தீவிரக் காதல் லீலை...
உலகியல் பொருள்: காகிதத்தைத் தொட்டு (இதழால் சுவைத்து), கையில் ஏந்தி, பேனா முனையால் எழுதக் குத்தும்போது செந்நிற மை (செந்நீர்) பேராறாகப் பொங்கி எழுத்துக்களாய் வழிவது.
No comments:
Post a Comment