தெருவெல்லாம் தேவதைகள்...!

ஈருருளி ஏறி இனிமையாய் ஓட்டினேன்

பாருருவி வந்தேன் பதினெட்டில் - பேறாய்

வேட்கை எனும்அக் கணைபாய மெல்லமெல்ல

ஆட்கொண்டாள் என்னுள் அவள்.

மங்கையவள் மேனி வனப்பால் மயங்கினேன்

கொஞ்சும் மொழியால் குளிர்ந்தேன் - வஞ்சமிலா

மென்மலர் போன்ற அவள்பாதம் நோக்கியே

கன்மங்கள் இன்றி கலந்தேன்.

​

சந்தியில் சக்கரம் சார்ந்தே மோதிட

கந்த மலரின் மணம்வீச - சிந்தை

துடித்தது காமத்தின் தூண்டலில் மெல்ல

அதிர்ந்தன ஆசைகள் அங்கே.

​

ஏகாந்த மாகஇருவர் நிற்கையில் ஈர்க்கும்

மோகத்தால் நெஞ்சம் முனங்க - ஏகவே

மாருருக் கொண்ட மதனன் எனைத்தொட

தீருமே என்று தவித்தேன்.

​

சிதறிய ஏடுகள் சேர்ந்தவன் கையால்

பதறியே நின்றேன் பலவாய் - இதயக்

குமுதம் இதழ்நோக்கிப் பார்த்தேன் வெறிக்க

அமுதம் எனநான் அசைந்து.

கண்ணில் கனிந்த கதிர்வீச்சுப் பார்த்தேன்

மண்ணில் மதனன் வடிவெடுக்க - பெண்ணின்

இடுப்புச் சுருக்கம் எனைஈர்க்க உள்ளம்

தடித்துத் துடித்தே தவித்தேன்.

​

மெய்க்கும் உடலும் விறைக்கவே நான்நிற்க

அக்கணம் தானாய் அலைமோத - ஒக்க

முலைப்புரி அசைவினில் மோகித் தனைநான்

கலைந்து நின்றேன் கசந்து.

​

சொல்லால் உரைக்கத் துணிந்தே நான்நிற்க

மெல்லவே சிரித்தாள் மிளிர்ந்து - புல்லார்

கலவி எனும்முன் கதவு திறக்க

அலையாய் அலைந்தேன் அவள்.

தீயும் தணலும் சிதைக்கும் என்நெஞ்சை

மாயும் மங்கையின் மாயம் - நயந்து

புன்னகை அள்ளித் தனைதந்தாள் மெல்ல

அன்பின் அகிம்சை அணைப்பு.

​

மாறாத காமத்து மாயம் அதுவென்று

பேறாக இன்றும் பிரியாமல் - ஏறிக்

குளிரும் அந்திப்பொழுதில் நினைப்பேன்

இளமை அளித்த இன்பம்.